REDSKIEZ

九月四號，戀戀話想走。 戀戀係我邀請嘅第一個村民，所以一聽到佢要走，我都有啲唔捨得。但係因為我想要 檸檬娜，而個死人肉肉厚面皮係都唔走，咁就唯有俾戀戀走。 咁啱嗰日係星期四，我個島嘅大頭菜買410。我開咗個島俾人賣，收一個 NMT 做入場費。到最後，我儲到五十張飛。 上次去搵 檸檬娜嘅時候用咗超過四十張飛，但係一隻貓都搵唔到。最後過咗時，個遊戲自動安排咗隻豬（肉肉）俾我。嬲到爆。我就唔信今次五十張飛遇唔到一隻貓。 九月六號，我揸住十張飛開始「尋找 檸檬娜」嘅旅程。 我見到第一隻村民係森森。佢好型，係Tier 3第15隻。都幾出名。可惜佢唔係貓，所以就無視佢。