REDSKIEZ

九月四號，戀戀話想走。 戀戀係我邀請嘅第一個村民，所以一聽到佢要走，我都有啲唔捨得。但係因為我想要 檸檬娜，而個死人肉肉厚面皮係都唔走，咁就唯有俾戀戀走。 咁啱嗰日係星期四，我個島嘅大頭菜買410。我開咗個島俾人賣，收一個 NMT 做入場費。到最後，我儲到五十張飛。 上次去搵 檸檬娜嘅時候用咗超過四十張飛，但係一隻貓都搵唔到。最後過咗時，個遊戲自動安排咗隻豬（肉肉）俾我。嬲到爆。我就唔信今次五十張飛遇唔到一隻貓。 九月六號，我揸住十張飛開始「尋找 檸檬娜」嘅旅程。 我見到第一隻村民係森森。佢好型，係Tier 3第15隻。都幾出名。可惜佢唔係貓，所以就無視佢。 之後我遇見到張瑜，Tier 2第21隻。我見到好傷心。佢哋咁高級，我可以收佢哋入嚟之後高價賣佢哋出去，或者可以同佢哋換 檸檬娜返嚟。 但係我堅持，繼續搵 檸檬娜。 好傷心地，我遇見到Tier 2第14號嘅皮耶羅。 點解個遊戲要喺我搵貓嘅時候先俾呢啲出名嘅村民俾我？ 好彩我唔係好鍾意皮耶羅，留咗佢喺個荒島度。 去到第十一張飛，我就遇見到小潤！ 我頂佢個肺。一個一個咁樣嚟吸引我，我就一個一個咁拒絕。然後俾咗個Tier 1第2俾我？！呢個真係唔可以無視。佢之前係第一名，同杰克一樣咁出名。佢哋可以賣到億億聲。而且我都覺得佢好可愛。。。 無可奈何我就邀請咗佢返去我度住。（其實講到好似好難為我咁，但係我都好興奮佢嚟住。） 我就咁用咗十一張飛去搵咗一隻松鼠仔返嚟。雖然唔係貓（or 檸檬娜），我都好開心。佢係唔係都係好出名㗎！雖然如果佢想走，我都未必會俾佢。好彩我有章丸丸，咁如果 章丸丸想走，我都可以賣佢出去。（因為我而家連朱黎都唔捨得俾佢走。）但係咁梗係好想阿肉肉走先啦。 第二日，即係九月七日，小潤就正式搬咗去我個島度住。 但係我仍然心思思。唉，儲咗咁多張飛，又等咗咁鬼耐，個島一隻貓都冇。 我都等到好不耐煩。 我之前聽過啲人會上網同網友買賣／交換嘢。尤其係買賣大頭菜同村民（小潤同杰克）。我都試過好多次去人哋個島度賣大頭菜，咁不如今次試吓買村民呀？ 我之前上咗去一個叫Nookazon嘅網站，睇咗佢哋啲「products」（村民）。有好多人賣我想要嘅三隻貓： 檸檬娜， 彭花同 余子醬。我見到 檸檬娜都好貴。我入咗三隻貓之後就有兩個人想賣 彭花俾我。 九月七日當日 我上網睇下嘅時候我先見到 有人想賣 彭花俾我。 可惜我冇即時覆佢哋...